برجك ؟

برج الثور

ترتيبج بين الاخوة والاخوات ؟
الاولى

ماهو اكثر يوم تحب زينة في الاسبوع و ليش؟
احب الاربعاء دائما يحسسني بالهدوء

ماهو نوع هاتفك المحمول وشنو اجمل اسم بي بالاسماء ؟
موتريلا احلى اسم مسميه صديقتي اميرتي

ماهو رقمك المفضل من 1 الى 10؟
9

مشروبك المفضل ؟
بيبسي وفيمتو


ماهو لونك المفضل ؟
الازرق والاخضر والوردي

ماهي اجمل مرحلة في حياتك ؟

الاعدادية ومرحله ثالثه ورابعه بالكلية

ماهو البلد الي تتمني تعيشين فيه ومع من ؟
مو مهم البلد المهم الي اعيش وياه اكون مرتاحه وهو يحبني بأي مكان بالعالم

ماهو اكثر شي تحبيه في الانترنت ؟
شوفتكم طبعاااا

هل تعيش زينة قصة حب هع ولو ادري بيج حديقة ؟

بعد ليش تحجي ابو خشم تدري بيه حديقه هع

هل تمارسين الرياضة ؟
احب الرياضه هوايه بس اكثر رياضه احبها مثلا اضرب اختي وتركض وراي هع


شنو الطبع الي بشخصيتج وتريدين تركي؟

اممممممم التردد بحسم القرارات الهامه

من هو كاتم اسرارك ؟
كل الناس القريبين علي

ماهو اكثر شي يثير خوفك ؟
الظلمه

من الشخص الذي تتمني له الحياة السعيدة؟
انت اتمنالك الحياة السعيدة لان تستاهل والله

- شنـو أحلــى شــيء بالدنيـا بعيــون(زينة)؟ وليــش ؟؟
كليتي الهندسه احبها هوايه وبغداد الحبيبة احبها موت

- ماهي أجمل ذكرى لاتزال عالقه في ذهنك ؟

سفره نهرية رحنه بيها بمرحله رابعه بالكليه وصعدنه بالبلم ولعبنه تجنن والله

- ماهي اسوأ ذكرى لاتزال عالقه في ذهنك ؟
صارت دعمه بين سيارتنه وسيارة طلاب ثانيه وبجيت هوايه بهاليوم وجان حادث مرعب

-اصعب موقف تعرضتي له ؟
مرة انغمه عليه وره امتحان الاتصالات وبيومها حيل دخت

-اختاري عضو ووجهي له نصيحه ؟
اكول لرامي خليك مثل ماانت على ابداعك وتواصلك الحلوو وانت فعلا فنان

-اختاري عضو واطلقي عليه لقب ؟
اطيب قلب بالكون انطيه الك نهودي

-من هو توأم روحك ؟
صديقتي

-من الاشخاص المقربين الك ؟
كل الناس الي تحب زيزو وتفهمها على طبيعتها


هل انتي راضيه عن نفسك؟
الحمدالله

هل انتي سعيده ؟
اكذب اذا كلت اي واكذب اذا كلت لا

متى تبكي زينة؟
على اقل شي ابجي

متى تضحك زينة؟
24 ساعه اضحك هههههههه

امنيه تتمنين تحقيقها لعام 2009؟
اتعين مو والله طكت روح روحي اهئ

هل تحبين ( الشعر, النثر , كتابة الخاطره )؟؟
كلهم احبهم

اكتبي لنا سطرين من قلمك ؟

انتم ورود حياتي ورياضها التي تحمل تلك الورود الجميلة... تنثرون عطركم في كل الارجاء..
انتم سنواتي التي افتقدتها في الجامعه.. وكل المسافات التي بيننها هي من القلب للقلب..

هسة شوية حبيات هع هع
بعينك ههههههه

ماهو الحب ؟
هو الحياة هو ذلك الاحساس الذي يجعلك تشعر باهميتك ووجودك

هل هو إنتصار للقلب أم هزيمة للعقل ؟
هو انتصار طبعا


هل هو بداية إبتسامة أم مقدمة للدموع ؟

كل دمعه في الحب بألف ابتسامه فالحب هو اجمل المشاعر والحزن الذي يكون فيه اجمل من اي فرح


هل هو راحة وثقة أم شك وتعب ؟
هو راحه تعب هو ثقه وحب


هل هو كالقبلة يقتسمها إثنان أم كالعمر لايقبل القسمة على اثنين ؟
لا اعلم مااقول ولكن هو عنوان الحياة ...


-
-
هل تؤمنين بالحب ؟
طبعا اؤمن

- هل تؤمني بالحب من أول نظرة؟
اي لان صارت ويه صديقتي

- هل يختلف معنى الحب عبر العصور؟
لا الحب موجود دائما وابدا لا يختلف ولكن الناس هم اليختلفون

- ما هو تأثير العمر على معنى الحب في المراحلالتالية ( مراهقة , شباب , بعد الأربعين )
المراهقه هذا اول حب واكثر شي ميكون حقيقي يعني مجرد مشاعر غير مرتبه وغير مسؤولة اما الشباب فهذا الحب الي بعمر الورد ويكون حلوو اما وره الاربعين شعنده يحب هههههه خلي ينتبه لصحته احسن هع

- فرق العمر بين الطرفين هل يؤثر علىعلاقة الحب؟
برأيي اذا الولد اكبر عادي بس اذا البنيه اكبر لا مااحب هالشي وصح الحب ميعرف اعمار بس صعبه بالمستقبل اكيد راح ينذكر هالشي

- أيهما أنجح ,الزواج عن طريق الأهل أو عن معرفة سابقة؟
زواج الحب احلى طبعا بس هم زواج الاهل لان هو بالاول والاخر قسمه ونصيب والي الله كاتبه يصير

- هل ممكن ان تحب أكثر من مرة؟
لا الحب يجي مره وحده بس اذا مصارت القسمه ممكن اكو حب ينسيك الي قبله

-هل يمكن أن يكره الأنسان الشخص بعد أن أحبه؟
مستحيل طبعاا

- هل للمادة دور رئيسي في استمرار الحب؟
الماده اساس في الاستقرار يعني نحجي حجي واقعي اذا يحبون بعض وماعدهم مصدر معيشي مااعتقد يكفي

- نجاح الحب مستحيل أم ممكن , و كم نسبةنجاحه؟
نجاح الحب ممكن طبعا بالود والتفاهم والاحترام اذا توفروا هالاسباب النجاح حيكون 100%

- هل يمكن أن يستمر الحب في حال تغير الطرف الآخر من نواحي :
أ- عاطفية ب- غير عاطفية
الحب الحقيقي يستمر بكل الاحوال وبكل التغيرات يبقى حب

-
- أيمكن للحب ان يغير مجرى حياتك؟
طبعاا يغيرها تغير جذري

- البعد أيخفف المشاعر أم يلهب الأشواق؟

اذا حب صدك ميأثر بيه اي مسافات بالعكس تشتاق اكثرر

- هل يتغير الحب بعد الزواج؟
هذا يعتمد على الاشخاص نفسهم بيدهم يعني

- بوجود الحب أيشترط وجود السعادة؟

الحب سعاده بحد ذاته

- هل الغيرة ضرورية في الحب و ما دورها ؟ سلبي أم ايجابي؟

اكيد ضرورية واساس الحب هي بس مو الغيره الجنونيه الي تخرب علاقه الحب

- أيهما أخلص في الحب الشاب أم البنت؟

والله اذا اثنينهم يحبون بعض حب حقيقي اكيد حيكونون مخلصين
بس البنيه مرات امرها مو بيدها يعني بيد الاهل اول وتالي مااقصد اجبارها او من هالنوع بس متسوي شي اهلها ميقبلون عليه

- هل الحب عبر الأنترنت و غرف الدردشة ممكن؟ (بمعنىأن تحب شخص لمجرد معرفتك لأفكاره بدون معرفة شكله أو صوته )

ممكن وشفنه هواي حالات اتزوجوا بيها واعرف صديقتي لسه تحب زوجها وصار عدهم طفل وهمه اتعرفوا عن طريق النت كلشي بالقسمه مثل مكلت



- لو صارحج شخص بحبة الج شنو راح تكون ردة فعلج؟؟
حسب الشخص


- كيف تتمنين يكون زواجج عن حب او بدون حب؟؟
عن حب طبعاا بس ماحصلت الحب فأكيد راح يكون الحب بعد الزواج ان شاءالله


اخر جزء شوية عن الاعضاء ولو طولت عليج بس اتحمليني اريد اطلع قهري من ورة ميوسة ههههه

ههههههههههههه ابو خشم اطلعه بيه عابت
اوك ماشي

- من هو العضو اللي تتمنى تشوفي موجود اول متدخلي المنتدى وتتضايقي اذا مالكيتي؟
وانت شعليك ههههههه احب اشوفك دائما انت وحيدوري ورامي وامل وسمسم وكاتي وحمودي والكل الكل والله

- من هو العضو اللي يهمك ولدرجة انه ممكن يمر على بالك وتفكري فيه وانتي خارج المنتدى؟
انت وحيدر مو بس منتدى يعني دائما نحجي بيكم بالبيت هع ويه الماما والبابا

-من هو العضو اللي يهمك رضاه ومايهون عليج تزعلي؟
كل الاعضاء والله احب الكل

-من هو العضو اللي تتمنى تتواصلي معاه اكثر مثلاً من خلال( الايميل، الماسنجر،....)؟
كل البنوتات الحلوات

-من هو العضو اللي تتمنى تتعرفي عليه معرفة شخصية ويكون قريب منك؟
كل البنات احب اتعرف عليهم شخصياا

- من هو العضو اللي تحبي تغيضي وترفعين ضغطه...؟
ههههههههههههه مااحب اسوي هيج حرام
بس بالشقه يعني ارفع ضغط سفير الغرام وزعيم الكراده وابن العامريه انياااااا الحشاشين هع

-من هو العضو الاكثر تميز في مشاركاته في نظرك؟

رامي بكلشي فنان

-من هو العضو اللي يهمك يقرأ مشاركاتك وردودك؟

احب اشوف الكل طبعااا

- من هو العضو اللي تتمنى يرسلك رسالة خاصة في يوم؟
ماكو

-من هم الاعضاء المقربين لزينة؟
كل الاعضاء احبهم ومقربين الي واذا كلت اسماء اخاف ايدي متكتب اسم بس هو بقلبي ويزعل مني
الاحسن انوا المقربين لزينه يعرفون نفسهم واني احبكم واموت عليكم والله
وكل اسم بالمنتدى هو اخ الي ونظر عيوني

شكرااا نهودي الغالي والله انت ورده واسألتك تجنننن مثل شخصك وقلبك الطيب
واني افرح بأسألتكم الحلوه ومستعده لكل اسئله
واتمنى ماقصرت باجوبتي

تحياتي الك ورده
ولكل الاعضاء الي نوروا الموضوع وشكرااا لكلامهم الذوووق